Gəmiqayırma müəssisələri üçün güzəşt müəyyənləşir

Milli Məclisin bu gün keçirilən iclasında Vergi Məcəlləsinə dəyişiklikləri nəzərdə tutan layihə müzakirə olunub və üçüncü oxunuşda təsdiqlənib.

Avtosfer.az xəbər verir ki, dəyişikliklər gəmiqayırma və gəmi təmiri sahəsində fəaliyyət göstərən müəssisələrə vergi güzəştləri təmin edir. Layihəyə əsasən, müvafiq icra hakimiyyəti orqanının müəyyən etdiyi qurum tərəfindən verilmiş təsdiqedici sənəd əsasında bu müəssisələr tərəfindən idxal olunan bütün növ mallar 2026-cı il mayın 1-dən etibarən 3 il müddətinə əlavə dəyər vergisindən azad ediləcək.

Yeni qərar sektorun inkişafına dəstək göstərmək və yerli istehsalın gücləndirilməsini hədəfləyir.