Gürcüstan hava limanlarından 6 milyon sərnişin istifadə edib

Gürcüstan hava limanları 2023-cü ildə 6 milyondan çox sərnişinə xidmət göstərib.

Avtosfer.az xəbər verir ki, bu barədə Gürcüstanın Mülki Aviasiya Agentliyinin məlumatında bildirilib. Qeyd olunub ki, bu göstərici 2022-ci illə müqayisədə 35%, pandemiyadan əvvəlki dövrlə müqayisədə 15% çoxdur.

Ötən il Tbilisi Beynəlxalq Hava Limanı 3,694 milyon, Kutaisi Beynəlxalq Hava Limanı 1,671 milyon, Batumi Beynəlxalq Hava limanı isə 621,5 min sərnişinə xidmət edib.

apa