Haaqadakı 16 nömrəli tramvay Azərbaycana dair məlumat yayır - FOTO

Diasporla İş üzrə Dövlət Komitəsinin dəstəyi və Niderland Krallığında fəaliyyət göstərən "Ana Vətən" Avropa Azərbaycanlı Qadınlar Birliyinin təşkilatçılığı ilə Haaqa şəhərində Azərbaycan barədə məlumatlandırıcı aksiya keçirilir.
Bu barədə Diasporla İş üzrə Dövlət Komitəsindən bildirilib. Birliyin sədri Mayisə Ağamirzəyeva qeyd edib ki, mayın 31-dən etibarən Haaqanın mərkəzi hissəsində hərəkət edən 16 nömrəli tramvayın üzərində Azərbaycanın üçrəngli dövlət bayrağının, Bakıdakı İsmailliyə binasının, Qarabağ bölgəsinin füsunkar təbiətinin, Şuşa qalasının fotoşəkilləri yerləşdirilib. Bu marşrut Parlament binası, Sülh sarayı, mərkəzi dəmiryolu vağzalı yerləşən küçələri, yay mövsümündə isə çimərliklərə uzanan yolları da əhatə edir. Karantin qaydalarının yumşaldılması bu ərazidə yerli sakinlərin və turistlərin yenidən izdiham təşkil edəcəyindən xəbər verir. Məlumatlandırıcı aksiya əhalinin və şəhərin qonaqlarının diqqətini Azərbaycan torpaqlarının işğaldan azad edilməsinə və füsunkar təbiətinə cəlb etmək məqsədi daşıyır.
Qeyd edək ki, aksiyanın 3 ay davam etməsi və avqustun 31-də başa çatması nəzərdə tutulub.

Naxçıvanda benzin qıtlığı var? - SOCAR-dan RƏSMİ CAVAB
Məşhur qadın biznesmenlə bağlı QƏRAR EDİLDİ
Vüqar Əliyev və 651 min manat: Bahalı hədiyyələr kimə sifariş edilib?
Vətəndaşlar şəhərdəki eskalatorların işləməməsindən narazıdır - EKSPERT
Tahir Qədəşovun kürəkəninə 11 il həbs verildi - “Atlant” müsadirə edildi
Badamdarda torpaq sürüşməsi təhlükəsi - VİDEO
Media və Yayım Şurası Fransadan idarə olunan "YouTube" kanalını ifşa edib
Ali məktəblər üçün yeni dövr: Hansı universitetlərə xüsusi status veriləcək?
Tələbələrin fotolarını montaj edib şantaj edən şəxs saxlanıldı - VİDEO
Bakı-Qazax yolunda təhlükəli vəziyyət - VİDEO
Nəvəsinin andiçmə mərasiminə gələrək itkin düşən kişinin meyiti tapıldı












