Hava nəqliyyatı ilə sərnişin daşınmaları 2 dəfədən çox artıb

Bu ilin yanvar-avqust aylarında Azərbaycanda hava nəqliyyatı ilə 1433,7 min və ya 2,1 dəfə çox sərnişin daşınıb.

Dövlət Statistika Komitəsindən Avtosfer.az-a verilən məlumata görə, daşımaların 99,6%-i dövlət, 0,4%-i isə özəl müəssisələrə məxsus nəqliyyat vasitələri ilə həyata keçirilib.

“Bu nəqliyyat növü ilə yükdaşıma 6,2% azalaraq 299,1 min ton olub”, - məlumatda qeyd olunur.