Hərbi təyyarə ilə ölkəsindən qaçdı

Madaqaskar prezidenti Andry Rajoelina "təhlükəsiz yerdə" olduğunu bildirib. 

Avtosfer.az xəbər verir ki, bundan əvvəl xarici mətbuat onun etirazlar fonunda ölkədən qaçması barədə məlumat yayıb. 

Prezidentin xalqa müraciəti bazar ertəsi axşama planlaşdırılıb, lakin bir neçə dəfə təxirə salınıb: "Bu gün canımı xilas etmək üçün sığınmağa məcbur oldum. Amma belə şəraitdə də çıxış yolu axtarmaqdan əl çəkmirəm". 

O, "Facebook"da canlı yayımı zamanı yerini açıqlamayıb.

Bazar ertəsi Fransanın RFI radiostansiyası prezidentin Fransa hərbi təyyarəsi ilə ölkədən çıxarıldığını bildirib.