Hikmət Hacıyev: “Bizim məqsədimiz Qarabağın erməni sakinlərinin sülh şəraitində reinteqrasiyasıdır”

“Azərbaycan reinteqrasiya üçün əlindən gələni edəcək. Bizim məqsədimiz Qarabağın erməni sakinlərinin sülh şəraitində reinteqrasiyasıdır”.

Bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Xarici İşlər Nazirliyində keçirilən brifinqdə bildirib.

Onun sözlərinə görə, ölkəmiz Azərbaycan-Ermənistan arasında münasibətlərin normallaşdırılmasının tərəfdarıdır: “Azərbaycan ərazisində 10 minlik erməni hərbi qüvvəsinin olması yolverilməzdir. Bir neçə gün əvvəl Qarabağda mina partlaması nəticəsində polis zabitləri və mülki vətəndaşlar həlak oldular. Nəticədə Azərbaycan lokal antiterror tədbirlərini həyata keçirməyə məcbur oldu”.