İrəvanın hava limanına bomba qoyulması ilə bağlı məlumat yayılıb

Ermənistan Fövqəladə Hallar Nazirliyinin Böhran Vəziyyətlərində İdarəetmə Mərkəzinə İrəvanın "Zvartnots" beynəlxalq hava limanına bomba qoyulması ilə bağlı məlumat daxil olub.

Trend bu barədə erməni KİV-lərinə istinadən xəbər verir.

"İyulun 13-də saat 19:19-da Ermənistan Fövqəladə Hallar Nazirliyinin Böhran Vəziyyətlərində İdarəetmə Mərkəzinə "Zvartnots" beynəlxalq hava limanına bomba qoyulması barədə məlumat daxil olub. Hadisə yerinə yanğınsöndürən-xilasedicilərdən ibarət döyüş dəstəsi, kinoloji xidmətin mütəxəssisləri və tibbi briqada göndərilib", - deyə Ermənistan FHN-in açıqlamasında deyilir.

Qeyd edilir ki, axtarış zamanı partlayıcı qurğu aşkar edilməyib.