İsmayıllı-Lahıc yolu qaya parçalarından təmizləndi, hərəkət təmin olundu - FOTO

İntensiv yağıntılar nəticəsində İsmayıllı-Lahıc avtomobil yolunun (17.2 km) hərəkət hissəsinə tökülən qaya parçaları təmizlənərək avtonəqliyyat vasitələrinin fasizləsiz və təhlükəsiz hərəkəti təmin olunub.

Avtosfer.az xəbər verir ki, hadisə baş verən andan etibarən dərhal əraziyə Azərbaycan Avtomobil Yolları Dövlət Agentliyinin xüsusi texnikaları və canlı qüvvəsi səfərbər olunub.  

Qeyd edək ki, sözügedən yol nəzarətdə saxlanılır və qeyd edilən hissədə qaya parçalarının təmizlənməsi işləri davam etdirilir.