Kadırov xəstəliyi ilə bağlı xəbərləri təkzib etdi - VİDEO - YENİLƏNİB

Çeçenistanın (Rusiya) rəhbəri Ramzan Kadırov xəstəliyi ilə bağlı yayılan xəbərlərə inananları “hava almağa” çağırıb.

Bununla bağlı o, öz “Telegram” kanalında yazı paylaşıb və onu gəzinti zamanı çəkdiyi videolar müşayiət edib.

“İnternetdə həqiqəti yalandan ayıra bilməyən hər kəsə təmiz havada gəzməyi və fikirlərini nizama salmağı tövsiyə edirəm. Yağış insanı çox yaxşı gumrahlaşdırır”, - deyə o, öz izləyicilərinə müraciət edib.

O, bu şərh Ukrayna Müdafiə Nazirliyinin Baş Kəşfiyyat İdarəsinin nümayəndəsi Andrey Yusovun Çeçenistan rəhbərinin xəstə olduğunu, vəziyyətinin ağır və ya komada olduğunu deməsindən sonra verib.

***

Çeçenistan lideri Ramzan Kadırovun Moskvada vəfat etdiyi iddia olunub.

Avtosfer.az axar.az-a istinadən xəbər verir ki, bu barədə çeçen əsilli müxalifət fəalı Abubakar Yanqulbayev Teleqramda məlumat paylaşıb.

“Kreml və Vnukovo hava limanından bir-birinin ardınca iki helikopter havaya qaldırıldı”, - deyə o bildirib.

Eyni zamanda Moskva Mərkəzi Xəstəxanasının qarşısında qəribə vəziyyətin hökm sürdüyü deyilib.

Oraya Kadırovun dostlarının bahalı avtomobillərlə gəldiyi barədə məlumatlar yayılır.