Kazarmada DƏHŞƏTLİ PARTLAYIŞ : 98 ölü, yüzlərlə yaralı var

Ekvatorial Qvineyanın ən böyük şəhəri Batadakı kazarmada meydana gələn partlayışın qurbanlarının sayı artıb.

Publika.az xəbər verir ki, prezident Teodoro Obiyanq Nequema Manqe tvitterdəki paylaşımında 7 martda yaşanan hadisə nəticəsində ölənlərin sayının 98, yaralı sayının 615-ə yüksəldiyini bildirib.

Qeyd edək ki, partlayış şəhərdəki xüsusi təyinatlı və jandarm bölmələrinin yaşadığı Nkoa Ntoma kazaramasında meydana gəlmiş, ətrafdakı onlarla evin uçmasına səbəb olmuş, yüzlərlə insan dağıntılar altında qalmışdı.

42 ildir ölkəni idarə edən prezident Teodoro Obiyanq Nequema Manqe TVGE dövlət televiziyasına açıqlamasında partlayışın dinamit və sursat anbarlarına nəzarət edən bölmənin ehtiyatsızlığı səbəbilə baş verdiyini demişdi.