Keçmiş “Apple” rəhbərləri “iPhone”a rəqib hazırlayacaq

Keçmiş “Apple” rəhbərləri “iPhone”a rəqib yaratmaq üçün toplaşıblar.

Avtosfer.az xəbər verir ki, bu barədə “India Today” məlumat yayıb.

Belə ki, “Bloomberg”in “iPhone”un yaradıcılarından biri olan Tan Tanın “Apple” şirkətindən ayrılaraq “Jony Ive”in “LoveFrom” şirkətinə getməsi ilə bağlı xəbərinə diqqət çəkilib. Tan, “ChatGPT OpenAI”ni yaradan şirkətin dəstəyi ilə xüsusi cihaz hazırlayacaq. “LoveFrom” komandası digər smartfonlara alternativ cihaz üzərində işləyə bilər.

Əsas arqumentlər kimi ekspertlər qeyd ediblər ki, Coni İve “iPhone”, “Mac”, “iPad” və digər cihazların yaradılmasının arxasında dayandığı şirkətdə 27 il keçirib. Öz növbəsində “OpenAI”nin ilk cihazını yaratmaq ambisiyaları var. Bununla əlaqədar olaraq, “Apple”ın keçmiş əməkdaşları süni intellekt (AI) dəstəyi ilə smartfon hazırlamalıdırlar.

Qeyd edilib ki, 2006-cı ildə buraxılan “iPhone” bazarda inqilab edib. Materialda süni intellekt dəstəyinə malik smartfonun 2024-cü ildə sənayeyə oxşar təsir göstərə biləcəyi bildirilir.

Məhəbbət Tərlanoğlu