Kişi xəyanət edən arvadını maşında yandırdı

Krasnoyarsk diyarında 27 yaşlı kişi ona xəyanət edən arvadını maşında yandırıb.

Avtosfer.az xəbər verir ki, kişi Rusiya Federasiyası Cinayət Məcəlləsinin 105-ci maddəsi ilə ittiham olunur. Məhkəmə-psixoloji-psixiatrik ekspertizası təqsirləndirilən şəxsin cinayət törətdiyi vaxt onu əməllərinin faktiki mahiyyətini və ictimai təhlükəliliyini dərk etmək qabiliyyətindən məhrum edən xroniki ruhi xəstəliyə tutulduğunu müəyyən edib. Onun işi prokurorluğa göndərilib, daha sonra tibbi xarakterli məcburi tədbirin tətbiqi üçün məhkəməyə göndəriləcək.

Cütlük 2021-ci ilin fevralından evlidir. Bu müddət ərzində kişi arvadının xəyanəti,  həmçinin həyatı ilə bağlı məlumatı hüquq-mühafizə orqanlarına bildirməsi ilə bağlı düşüncələrə qapılıb. Ona görə də onu ölüdrmək qərarına gəlib.

Müstəntiqlərin fikrincə, planını həyata keçirən kişi 2023-cü il iyunun sonunda həyat yoldaşını Krasnoyarsk diyarındakı gölməçəyə tətilə getməyə dəvət edib. 2023-cü il iyulun 7-də avtomobillə istədikləri yerə gedərkən təqsirləndirilən şəxs kortəbii olaraq meşəyə dönüb, qadını avtomobilə bağlayıb, avtomobilə benzin tökərək yandırıb. Daha sonra o, hadisə yerindən qaçıb və təyyarə ilə Novosibirskə, oradan isə Moskvaya uçub. İyulun 11-də orada saxlanılıb.

lent.az