Leysanın törətdiyi fəsadlar: Laza ilə əlaqə kəsilib, İsmayıllı-Lahıc yolu bağlanıb

Dünən gecə saatlarında güclü külək və leysan nəticəsində İsmayıllı-Lahıc yolu da bir müddət bağlı qalıb.

Avtosfer.az xəbər verir ki, Qəbələ-İsmayıllı-Bakı magistral yolunun Xanagah kəndindən keçən hissəsində 10 ədəd ağac kökündən aşaraq yolun bir tərəfinin bağlanmasına səbəb olub.

5 saylı Xüsusi Təyinatlı Yol İstismar İdarəsinin texnikaları vasitəsilə həmin yolda hərəkətin bərpası istiqamətində işlər aparılır.

***

Qəbələdə gecə saatlarında yağan leysan yağış ciddi fəsadlar törədib.

Avtosfer.az xəbər verir ki, leysan nəticəsində Qəbələ-Laza avtomobil yolu tamamilə yararsız vəziyyətə düşüb.

Kəndlə əlaqə kəsilib.

Leysan nəticəsində rayonun bəzi daxili küçələrində də problemlər yaranıb, daş və çınqıl kütləsi asfaltın üzərini örtüb.

apa