Avstraliyada piton onu tutan ilan ovçusunu dişləyib.

Bu barədə “Tag24” xəbər yayıb.

Məlumata görə, Kvinslendin Morton-Bey məntəqəsinin sakini bağında nəhəng piton görüb və ilan ovçəusuna bu barədə xəbər verib. Coş Kasl adlı ovçu dərhal hadisə yerinə gəlib. Əvvəlcə hər şey planlaşdırıldığı kimi gedib və gənc kolların arasından nəhəng ilanı tapıb.

Sonra isə o, lovğalanmağa başlayıb və ilanı çiyninə qoyaraq həyətdə gəzməyə başlayıb. Gözlənilmədən piton ovçunun boynuna dolanmağa başlayıb və vəziyyət getdikcə nəzarətdən çıxıb. Kasl ilanı boğazından açmağa çalışarkən isə piton qəfil hərəkətlə onun gicgahından dişləyib.

Kadrlarda ilan ovçusunun həyəcənlansa belə, sakitliyini qorumağa çalışdığı görünür.

Kaslın ciddi xəsarət almadığı bildirilir.

Məlumata görə, o, hadisədən sonra ilanı götürərək yaşayış məntəqəsinən uzaqlaşır və vəhşi təbiətə buraxıb.