Məktəblilərin hər gün üzləşdiyi gözəgörünməz təhlükə

Azərbaycanda şagirdlərin yol hərəkəti barədə maarifləndirilməsi sahəsində kifayət qədər iş görülüb. Ümumi planda piyadaların təhlükəsizliyi ilə bağlı da ciddi tədbirlər görülür. Bu sahədə müəyyən qüsurlar olsa da, irəliləyiş də mövcuddur. Lakin elə problem var ki, onun həlli üçün təkcə polisin və məktəbin səyləri yetərsizdir.

Avtosfer.az xəbər verir ki, BMT sənədlərində məktəbə piyada gedən uşaqların üzləşdiyi risklər yer alır. Bu risklər ümumi xarakter daşıyır, konkret ölkənin adı çəkilmir. Bir ölkədə olan təhlükə digərində mövcud olmaya bilər. Təqdirəlayiq haldır ki, dərsə gedən uşaqların oğurlanması, və ya pedaqoji fəaliyyətlə məşğul olan qadınlara kənar şəxslərin təzyiq yolu ilə işdən çəkindirməsi kimi hallar Azərbaycan üçün spesifik deyil. Lakin bunu ekoloji risklər barədə deyə bilmərik. Məsələn, sənəddə deyilir: “Məktəbə piyada gedən və intensivliyin çox olduğu yollardan istifadə edən şagirlər,...sağlamlıq üçün zərərli tüstülərin təsirinə ən çox məruz qalan şəxslərdir”.

Azərbaycanın rayonlarında belə bir risk minimumdur. Lakin Bakının mərkəzindəki məktəblər barədə təəssüf ki, bunu deyə bilmirik.

Vüqar