Metro vaqonundakı sərnişin-maşinist rabitəsi nəyə xidmət edir?

Bir neçə gün əvvəl sərnişinin əlinin vaqonun qapısı arasında qaldığını əks  etdirən video ani surətdə yayıldı. Videoya minlərlə şərh verildi, hərə öz dəlilini irəli sürdü. Məni maraqlandıran isə başqa məqam idi. 

Qatardakı sərnişinlər fövqəladə hal qarşısında çaşıb qalmışdılar. Bəzi sərnişinlər isə adətləri üzrə çəkilişlə məşğul idilər. Görünən budur ki, heç kim doğru olanı etmirdi. 

İstənilən fövqəladə halda digər sərnişinlər ilk növbədə sərnişin-maşinist rabitəsi ilə maşinisti məlumatlandıraraq qatarın dayanmasını təmin etməlidir. Stansiyada böyük güzgü qoyulsa belə, maşinistin belə xırda detalı görməsi vizual olaraq mümkün deyil. Yüzlərlə sərnişinin gözlədiyi platformada növbətçi də bunu görə bilmir. Belə hallarda sərnişinlərin sayıqlığı xoşagəlməz halların qarşısını almağa kömək edər.

Vüqar