Milli Qəhrəman Natiq Qasımovun anası dəfn olundu - YENİLƏNİB

Milli Qəhrəman Natiq Qasımovun anası Gəncədə dəfn olunub.

Avtosfer.az "Report"a istinadən xəbər verir ki, Dursun Qasımovanın dəfn mərasimində onun doğmaları, şəhid ailələrinin üzvləri, rəsmi şəxslər, ictimaiyyət nümayəndələri, qazilər iştirak ediblər.

D.Qasımova həyat yoldaşının məzarının yanında dəfn olunub.

***

Gəncədə Milli Qəhrəman Natiq Qasımovun anası Dursun Qasımova ilə vida mərasimi keçirilir.

Avtosfer.az "Report"a istinadla xəbər verir ki, vida mərasimində rəsmilər, şəhid və qazi ailələri, Vətən müharibəsi iştirakçıları və yaxınları iştirak edirlər.

Qeyd edək ki, 83 yaşlı Dursun Qasımova uzun sürən xəstəlikdən sonra iyulun 27-də dünyasını dəyişib. O, Səbiskar qəbiristanlığında, həyat yoldaşının yanında dəfn olunacaq.