Naxçıvanda ictimai nəqliyyat problemi - Talıbovun dövründə bu durumda deyildik

Naxçıvan şəhər sakinləri ictimai nəqliyyat problemindən əziyyət çəkir.

Avtosfer.az xəbər verir ki, bu barədə gununsesi.info-ya elə şəhər sakinlərinin özünün verdiyi məlumatda deyilir.

Redaksiyamıza müraciət edən naxçıvanlılar bildirir ki, axşam saat 22.00- dək işləməli olan şəhərdaxili avtobuslar 19.00-dan sonra qaraja qayıdir:

“Çox əziyyət çəkirik. Vasif Talıbov pis rəhbər olsa da amma nizam-intizam vardı.Onun dövründə bu şeylər yaşanmırdı. Hamı çəkinirdi “ deyən sakinlər onu da əlavə edib ki, həftənin şənbə və bazar günləri ictimai nəqliyyat ümumiyyətlə, çalışmır.