Nigerdə ​​qalan türkiyəli sərnişinlər İstanbula aparılır

Nigerdə ​​baş verən hərbi çevrilişdən sonra bu ölkədə qalan Türkiyə vətəndaşlarının təxliyəsinə başlanıb.

Avtosfer.az xəbər verir ki, bu barədə Türkiyənin Nigerdəki Səfirliyindən məlumat verilib.

Hava məkanının bağlı olmasından xüsusi icazə ilə Türk Hava Yolları aviaşirkətinə məxsus təyyarə İstanbula yola düşüb.

Bildirilib ki, əksəriyyəti Türkiyə vətəndaşı olan 233 sərnişin paytaxt Niameydəki Beynəlxalq Diori Hamani Hava Limanından TK635 reysi ilə İstanbula gedib.

Bu reysin Türkiyə vətəndaşlarının təxliyyəsi deyil, ölkədə müvəqqəti olan və Türkiyəyə qayıtmalı olan vətəndaşlar üçün olduğu vurğulanıb.

Türkiyənin Niameydəki səfirliyi, türk qurumları, Türk-Niger Dostluq Xəstəxanasının əməkdaşları və Nigerdə ​​fəaliyyət göstərən türk şirkətlərində çalışan vətəndaşlar ölkədə qalmağa davam edir.

İyulun 26-da Nigerdə ​​hakimiyyəti ələ keçirən Vətəni Müdafiə Milli Şurası hərbi quruplaşması avqustun 6-da ikinci əmrə qədər Nigerin hava məkanını bağlayıb.

Bundan əvvəl Fransa, ABŞ və İtaliya kimi bəzi ölkələr öz vətəndaşlarını Nigerdən təxliyə etmişdi.

apa