Nyu-Yorkun ən böyük metro stansiyası su altında qaldı

Nyu-Yorkun ən böyük metro stansiyası boruların partlaması səbəbindən su altında qalıb. 

Avtosfer.az xəbər verir ki, bu barədə Amerikanın "New York Times" qəzeti məlumat yayıb.

"Tayms Meydanının altında 120 illik su xətti partladı və metro sistemini təxminən 1,8 milyon qallon su (6,8 milyon litr) basdı", - deyə məlumatda qeyd olunub. 

Manhettenin bəzi küçələri təmir işləri ilə əlaqədar bağlanıb, mütəxəssis qrupları hadisənin səbəblərini öyrənməyə çalışır. 

Məlumata görə, qəza təxminən 300 min insana təsir edib. Nəqliyyatın hərəkəti daha sonra bərpa edilib. 

oxu.az