Piyadanın ölümünə görə “Prius”un sürücüsünə cinayət işi açıldı

Ağstafada ağır yol qəzası ilə bağlı cinayət işi açılıb.

Avtosfer.az-ın əldə etdiyi məlumata görə, hadisə 19.07.2023-cü il tarixdə saat 20 radələrində Ağstafa şəhəri, M.Ə.Rəsulzadə küçəsində qeydə alınıb.

Belə ki, 1988-ci il təvəllüdlü Ağstafa şəhər sakini Aslanov Ülfət Yaşar oğlu idarə etdiyi “Toyota Prius” markalı avtomobillə hərəkətdə olarkən yolu keçən piyada, Ağstafa şəhər sakini, 1948-ci il təvəllüdlü Abdullayeva Raya Həmid qızını vurub. Piyada aldığı bədən xəsarətindən Ağstafa Rayon Mərkəzi Xəstəxanasında ölüb.

Faktla bağlı Cinayət Məcəlləsinin 263.2-ci (Yol hərəkəti və nəqliyyat vasitələrinin istismarı qaydalarını pozma) maddəsi ilə cinayət işi başlanaraq ibtidai istintaqı aparılır.

Pravda.az