Polşada hava limanları bağlandı

Polşanın cənub-şərqində yerləşən Rzeszow və Lublin şəhərlərində iki hava limanı müvəqqəti olaraq bağlanıb.

Avtosfer.az xəbər verir ki, bu barədə Polşa Hava Nəqliyyatı Agentliyi sosial şəbəkədə məlumat yayıb. Qeyd olunur ki, müvafiq tədbir hərbi aviasiyanın hərəkət azadlığının təmin edilməsi məqsədilə həyata keçirilib. Noyabrın 19-da səhər saatlarında Polşa Silahlı Qüvvələrinin Əməliyyat Komandanlığı Ukraynada pilotsuz təyyarələrin hücumu təhlükəsi ilə əlaqədar Polşa və NATO-ya məxsus qırıcıların respublikanın səmasına qalxması barədə məlumat yayıb.