"Porsche" moda həftəsi üçün xüsusi 911 sportkarını hazırlayıb

Porsche şirkəti Aimé Leon Dore (ALD) amerikan moda markası ilə birlikdə Nyu Yorkda keçirilən Moda Həftəsi üçün bərpa edilmiş xüsusi Porsche 911 SC (Super Carrera) kupesini hazırlayıb. Kupenin maraqlı cəhətləri arasında naxışlı xalçalar və sürücü oturacağının masaj örtüyü də daxil olmaqla, çoxsaylı retro detallar mövcuddur.

Bərpa edilmiş Porsche 911 SC modeli keçən həftə sonu ALD firmasının Manhettendəki bayraqdar mağazasında nümayiş olunub. Bu,moda evinin Porsche şirkəti ilə ilk birgə layisədi deyil: keçən ilki Moda Həftəsi üçün ALD dizaynerləri Porsche 911 Carrera 4 (Type 964) sportkarını hazırlamışdılar.