Prezidentin köməkçisi: “Qarabağ bölgəsində hərbi birləşmələrin mövcudluğu reinteqrasiyaya maneə yaradırdı”

“Qarabağ bölgəsində hərbi birləşmələrin mövcudluğu reinteqrasiyaya maneə yaradırdı”.

Bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Xarici İşlər Nazirliyində keçirilən brifinqdə bildirib.

Onun sözlərinə görə, Azərbaycan Silahlı Qüvvələri lokal antiterror tədbirləri keçirməyə məcbur oldular:

“Azərbaycan Ordusu heç bir mülki obyektə zərbə endirməyib”.

O əlavə edib ki, təəssüf ki, Prezident Administrasiyası tərəfindən göndərilən dəvət separatçı rejim tərəfindən rədd edilirdi.