PUA yaşayış binasına çırpıldı, 16 avtomobil sıradan çıxdı

Pilotsuz təyyarənin hücumu nəticəsində Belqorodda 5 mənzil, eləcə də 16 avtomobil zədələnib.

Avtosfer.az xəbər verir ki, bu barədə Rusiya Federasiyasının Belqorod vilayətinin qubernatoru Vyaçeslav Qladkov özünün Teleqram kanalında yazıb.

 Onun sözlərinə görə, 13-cü mərtəbədən 7-ci mərtəbəyə kimi fasad dağıdılıb. Mənzillərin pəncərələri sınıb, kondisionerlər sıradan çıxsa da, sakinlər arasında xəsarət alan olmayıb. Fasadın dağılan hissələri həyətdə dayanan avtomobillərin üzərinə düşüb, 16 avtomobil zədələnib.

Qubernatorun sözlərinə görə, bazar ertəsi evin texniki vəziyyəti ilə bağlı rəy hazırlanacaq və bərpa işlərinə başlanacaq.

Lent.az