Putin və Ərdoğan Zəngəzur dəhlizini MÜZAKİRƏ EDƏCƏK

Xəbər verdiyimiz kimi, Rusiya prezidenti Vladimir Putinin Türkiyəyə səfəri avqustun son həftəsində baş tutacaq.

Avtosfer.az xəbər verir ki, Türkiyənin “Hürriyet” qəzeti görüşdə müzakirə ediləcək məsələləri açıqlayıb.

Nəşrin məlumatına görə, görüşün əsas müzakirə mövzusu ötən ay başa çatan "Taxıl sazişi" olacaq.

Qeyd edilir ki, Putin və Ərdoğanın görüşü zamanı Zəngəzur dəhlizi də müzakirə ediləcək. Türkiyə-Azərbaycan-Ermənistan münasibətləri də müzakirə ediləcək mövzulardan biri olacaq.

Xatırladaq ki, avqustun 2-də Türkiyə Prezidenti Rəcəb Tayyib Ərdoğan rusiyalı həmkarı Vladimir Putinlə telefon danışığı aparıb. Türkiyə liderinin mətbuat xidmətinin yaydığı məlumatda Rusiya prezidentinin danışıqlar üçün Türkiyəyə səfər etməsi barədə razılıq əldə edildiyi bildirilib.

Modern.az