Qafqaz dağlarında qar uçqunu TƏHLÜKƏSİ ARTDI - Sinoptikdən XƏBƏRDARLIQ

Qafqaz ərazilərində və Rusiyanın cənubunda yaxın günlərdə qar uçqunu təhlükəsi olacaq.

Avtosfer.az-ın TASS-a istinadla verdiyi məlumata görə, bu barədə Rusiya Hidrometeorologiya Mərkəzinin elmi rəhbəri Roman Vilfand məlumat verib.

Onun sözlərinə görə, riskə səbəb yağan yağıntılardır.

"Şimali Qafqazın bütün ərazilərində qar uçqunu təhlükəsi böyükdür, çünki bundan əvvəl sulu qar yağıb. Krasnodar diyarında da 1 000 metrdən başlayan yüksəkliklərdə qar uçqunu təhlükəsi var", - deyə o bildirib.

Bundan əvvəl Vilfand bildirmişdi ki, mart ayının əvvəlində Rusiyanın bir çox ərazilərində temperatur normadan 7-13 dərəcə aşağı düşəcək, güclü şaxtalar gözlənilir. Sinoptikin sözlərinə görə, temperaturun enməsi ölkənin cənub, Ural, Sibir və uzaq şərq bölgələrində müşahidə ediləcək.