“Qarabağ“ bu il ÇL-də ilk dəfə məğlub oldu

"Qarabağ" UEFA Çempionlar Liqasının əsas mərhələsinin III turunun oyununda səfərdə İspaniyanın "Atletik" klubu ilə qarşılaşıb.

Avtosfer.az xəbər verir ki, Bilbao şəhərinin "San Mames" stadionunda keçirilən oyunda hesabı 1-ci dəqiqədə “Qarabağ” açıb. Leandro Andrade fərqlənib. 

İspaniya klubu 40-cı dəqiqədə bərabərlik qolunu vurub. Qorka Quruseta topu “Qarabağ”ın qapısından keçirib.

İkinci hissədə meydan sahibləri daha 2 dəfə fərqlənərək qalib gəliblər. Əvvəlcə 70-ci dəqiqədə Robert Navarro adını tabloya yazdırıb. 88-ci dəqiqədə isə Qorka Quruseta dubl müəllifi olub. 

Bununla da Ağdam klubu 3:1 hesabı ilə məğlub olaraq cari mövsüm Çempionlar Liqasının Liqa mərhələsində ilk məğlubiyyətini alıb.

Qeyd edək ki, Qurban Qurbanovun rəhbərlik etdiyi kollektiv IV turda, noyabrın 5-də Bakıda İngiltərənin "Çelsi" kollektivini qəbul edəcək.