Qarlı havada xəsarət alanların sayı açıqlandı - YENİLƏNİB

Fevralın 28-i saat 20:00-dan indiyə qədər Respublika Təcili və Təxirəsalınmaz Tibbi Yardım Mərkəzinə qarlı hava şəraitində xəsarət alan 17 nəfər müraciət edib.

Bu barədə Tibbi Ərazi Bölmələrini İdarəetmə Birliyindən (TƏBİB) məlumat verilib.

Bildirilib ki, müraciət edənlərdən doqquzu qadın, səkkizi kişidir:

"Onlardan 14 nəfər müxtəlif travmalarla müvafiq tibb müəssisələrinə hospitalizasiya olunub. Üç nəfər xəstəxanaya yerləşdirilməkdən imtina edib".(oxu.az)

***12:32
Səhiyyə Nazirliyi Elmi-Tədqiqat Travmatologiya və Ortopediya İnstitutuna qarlı hava şəraiti ilə əlaqəli olaraq 41 nəfər müraciət edib.

Bu barədə Avtosfer.az-a Səhiyyə Nazirliyindən bildirilib.

Qeyd olunub ki, xəsarət alan şəxslərdə əsasən sınıqlar, bilək və said nahiyəsində deformasiya, kəskin ağrı və şişkinlik müşahidə olunub.

2 nəfər əməliyyat üçün stasionara qəbul edilib.