Qazaxıstan Zəngəzurdan Türkiyəyə yeni ticarət marşrutu aça bilər - Nazir

"Qazaxıstan Zəngəzur dəhlizindən Türkiyəyə yeni ticarət marşrutu aça bilər".

Avtosfer.az Qazaxıstan mətbuatına istinadla xəbər verir ki, bu fikri adıçəkilən ölkənin milli iqtisadiyyat naziri Serik Jumanqarin səsləndirib.

Onun sözlərinə görə, marşrut Türkiyə limanlarına birbaşa çıxışı təmin edəcək:

"İndi biz Azərbaycan ərazisindən Gürcüstana, Qara dəniz limanlarına gedirik. Yeni marşrut isə Naxçıvana, oradan birbaşa Türkiyəyə çıxmağa imkan verəcək".