Qızılın qiymətində rekord ucuzlaşma qeydə alınıb

Son dövrlər qızıl və gümüşün dünya bazarlarında müşahidə olunan qiymət artımı kəskin ucuzlaşma ilə əvəz olunub.

Avtosfer.az xəbər verir ki, “Bloomberg” agentliyinin məlumata görə, oktyabrın 21-də qızılın qiyməti 6,3 faiz ucuzlaşaraq son 12 ilin ən böyük enişini yaşayıb. Gümüş isə 8,7 faiz dəyər itirib.

Hazırda qızılın bir unsiyasının qiyməti 4 min 145 dollardır, halbuki bir müddət əvvəl ABŞ-Çin ticarət münaqişəsinin dərinləşməsi fonunda bu göstərici 4400 dollara qədər yüksəlmişdi.

Qeyd edək ki, “Bank of America”nın analitikləri 2026-cı ildə qızılın bir unsiyasının qiymətinin 5 min dollara, gümüşün unsiyasının qiymətinin isə 65 dollara yüksələcəyini istisna etmirlər.