Ramid Namazov: "Ölkəmizdə müxtəlif şəxslərə qarşı hədəfli DDoS hücumları baş verib"

"Həmin dövrdə ölkəmizdə müxtəlif şəxslərə qarşı hədəfli DDoS hücumları baş vermişdi".

Avtosfer.az xəbər verir ki, bunu Milli Məclisin Xarici müdaxilələrə və hibrid təhdidlərə qarşı komissiyanın "Azərbaycanın media resurslarına kiberhücumlar" mövzusunda keçirdiyi ictimai müzakirələrdə komissiyanın sədri Ramid Namazov fevralın 20-də bir sıra media resurslarına hücumlarla bağlı danışarkən deyib.

O qeyd edib ki, burada hədəf şəxsin telefon xəttinə müxtəlif nömrələrdən (adətən, saxta və ya təsadüfi nömrələrdən) dayanmadan çoxsaylı zənglər edilir:

"Məqsəd sistemi yükləyib sıradan çıxarmaq və qanuni zənglərin qarşısını almaqdır. Buna haradasa telefon terroru adını da vermək olar.

Həmçinin müxtəlif elektron poçt ünvanlarına kütləvi şəkildə spam məktubları da göndərilirdi. Təbii ki, bu əməllərin qarşısı da aidiyyəti qurumlarımız tərəfindən peşəkarlıqla alınıb".