Rusiyada qəzaya uğrayan “İl-76”nın “qara qutu”larının ilkin oxunması başa çatıb

Rusiyada qəzaya uğrayan “İl-76” təyyarəsinin “qara qutu”larının ilkin oxunması başa çatıb.

Bu barədə xüsusi xidmət orqanlarının nümayəndəsi xəbər verib.

Məlumata görə, “qara qutu”ların texniki vəziyyəti məlumatların öyrənilməsi üçün əlverişlidir.

“İlkin məlumatlar alınıb. Fakta əsasən, maksimum yarım saat deşifrə edilir, sonra isə məlumatın dərk olunması gəlir”, - deyə mənbədən vurğulanıb.

Xatırladaq ki, qəza yanvarın 24-də Belqorodda (Rusiya) baş verib. Hərbi təyyarənin göyərtəsində Ukrayna Silahlı Qüvvələrinin əsir götürülmüş və mübadilə üçün aparılan 65 hərbçisi, üç müşayiətçi və altı heyət üzvü olub. Qəzadan sağ qalanların olmadığı müəyyən edilib.

oxu.az