Rusiyadakı miqrantlara bəd xəbər

Rusiyada miqrantlara qarşı sərt tədbir və təkliflər davam edir. Avtosfer.az xəbər verir ki, Rusiya Liberal Demokrat Partiyasının(LDPR) lideri Leonid Slutski özünün Telegram kanalında paylaşım edərək deyib ki, miqrantlara pensiya ödənişləri ləğv edilməlidir. Onun təklifi birmənalı qarşılanmayıb. Bildirib ki, ölkənin inkişafına töhfə verməyən əcnəbilərə və vətəndaşlığı olmayan şəxslərə dövlət pensiya verməməlidir. Slutski onu da vurğulayıb ki, miqrantlarla qarşılıqlı əlaqə “gəl, işlə, get” prinsipinə əsaslanmalıdır. O qeyd edib ki, Ukraynada davam edən müharibəyə, sosial proqramlara, demoqrafik tədbirlərə yönələn cari xərcləri nəzərə alsaq, hər bir qəpik büdcə üçün hesablanmalıdır. Bu mənada miqrantlara ödənişlər də pensiya sistemi üçün əlavə yük yaradır. Partiya lideri onu da qeyd edib ki, rusiyalı təqaüdçülər az pul alırlar ki, bu da çox vaxt kommunal xərcləri ödəməyə kifayət edir. Bəzi immiqrantlar isə pulsuz sosial dəstəklərə, müavinətlərə arxalanırlar.(publika.az)