Şamaxıda meşədə marixuana yetişdirib satan şəxs tutuldu

Şamaxıda narkotik satışı ilə məşğul olan şəxs tutulub. Avtosfer.az DİN-in Mətbuat Xidmətinin Şəki regional qrupuna istinadən xəbər verir ki, Şamaxı RPŞ-nin keçirdiyi tədbirlərlə 41 yaşlı Cavad Fəhradov saxlanılıb.

Ondan 8 kiloqramdan artıq marixuana aşkar olunub. C.Fəhradovun narkotik vasitəni meşə massivində kultivasiya yolu ilə yetişdirdiyi çətənə kollarını quradaraq satmaq məqsədilə əldə etdiyi məlum olub.

Faktla bağlı cinayət işi başlanılıb, C.Fəhradov barəsində məhkəmənin qərarı ilə həbs qətimkan tədbiri seçilib. Araşdırmalar davam etdirilir.