Şamaxıda yeniyetmə avtomobil qaçırdı

Şamaxıda avtomobil qaçırılıb.

Daxili İşlər Nazirliyindən Avtosfer.az-a verilən məlumata görə, yanvarın 18-də saat 19 radələrində Şamaxı şəhəri ərazisindən “Toyota” markalı avtomobilin qaçırılması barədə polisə məlumat daxil olub.

Şamaxı rayon Polis Şöbəsi əməkdaşlarının keçirdikləri əməliyyat-axtarış tədbirləri ilə nəqliyyat vasitəsini qaçırmaqda şübhəli bilinən şəhər sakini olan yeniyetmə həmin gün avtomobillə saxlanılıb.

Araşdırma aparılır.