Sərnişinlərə şad xəbər: Bu ünvana gedənlər üçün yeni marşrut xətti yaradıldı

Bakıda yeni marşrut xətti istifadəyə verilir. Bu barədə Bakı Nəqliyyat Agentliyindən Avtosfer.az-a məlumat verilib. Məlumatda bildirilir ki, Binə Atçılıq yaşayış massivini-metronun “Ulduz” stansiyası ilə əlaqələndirən yeni 169 nömrəli müntəzəm marşrut xətti təşkil edilib. 

Marşrut xətti mayın 31-dən fəaliyyətə başlayacaq və marşrut xətti üzrə gediş haqqı 0.40 azn olacaq. 

Yeni marşrut xəttinin təşkili ilə 14000 nəfərdən artıq əhalisi olan Atçılıq yaşayış massivi sakinlərinin şəhər mərkəzi ilə birbaşa əlaqələndirilməsi təmin olunacaq.