Stüardessalar idmançı görkəmli sərnişinləri diqqətdə saxlayırlar – SƏBƏB

Təyyarəyə minən insanı ilk olaraq stüardessalar qarşılyaır və xoş üz göstərir. Sən demə, onlar həm də insanların davranışına fikir verirlər. 

Avtosfer.az xəbər verir ki, stüardessalar əsasən sərnişinlərdə aşağıdakı xüsusiyyətlərə fikir verirlər:
QORXU. Bu gün təyyarə qeyri-adi nəqliyyat hesab edilməsə də, hələ də bu texnikaya minməkdən qorxan insanlar var. Uçuş heyəti onlara təskinlik verir ki, problem yaranmasın. 

QANUNSUZ YÜKLƏR. Bu gün də əl yükünün içərisində salona qadağan edilmiş əşya keçirmək istəyən tapılır.

SƏRXOŞ SƏRNİŞİNLƏR. Hava gəmisinə sərxoş halda minmək istəyən, və ya salona spirtli içki keçirməyə cəhd edənlərin hava gəmisinə daxil olması qadağan olunur. Hətta qeydiyyatdan keçmiş sərnişin olsa belə, gəmi komandiri sərxoş şəxsi salona buraxmamaqda sərbəstdir. 

Nəhayət, İDMANÇI GÖRKƏMLİ SƏRNİŞİNLƏR. Stüardessalar dava-dalaş salan sərnişinləri zərərsizləşdirmək üçün fəndləri bilirlər. bununla belə, onlar canlı-cüssəli sərnişinləri “işarələyirlər” ki, fövqəladə hallarda kimisə sakitləşdirmək üçün onların köməyindən istifadə etsinlər. 

Maraqlıdır ki, uçuş heyəti bunları heç kimə bəlli etmədən həyata keçirir.

Vüqar