Sumqayıt sakinini 8 canavar parçaladı - ÜRƏKSIZLADAN GÖRÜNTÜLƏR

Rusiya ərazisində, Kalmıkiya Respublikasının paytaxtı Elista şəhərinin 40 kilometrliyində faciə ilə bitən qorxunc hadisə baş verib. Belə ki, işləmək üçün Kalmıkiya Respublikasına yollanan Sumqayıt şəhər sakinini yolda canavar parçalayıb. 

Avtosfer.az xəbər verir ki, bu barədə adının çəkilməsini istəməyən şəxs moderator.az-a danışıb.

Onun sözlərinə görə, hadisə gecə saatlarında baş verib.

“O şəxs işə yeni başlamışdı, ilk reysi idi. Maşını yolda saxlayıb, ayaqyoluna gedib. Üstündən 30 saniyə keçməyib ki, qışqırıq səsləri gəlib. Hava o gün çox dumanlı olub. Qaça-qaça maşına tərəf gəlib, yerə yıxılıb. Digər maşında olan iş yoldaşı elə bilib ki, hürən çoban itləridir. Çoban itləri də axı vəhşi olur.
Canavarlar onu gəmirə-gəmirə maşından uzağa aparıblar. Həmin şəxs qorxudan maşından aşağı düşməyib. Aidiyyatı orqanlara zəng edildikdən sonra canavarların hamısı öldürülüb. Hadisə Elista şəhərinin 40 kilometrliyində baş verib” deyə o, qeyd edib.

Canavarların parçaladığı şəxsin Sumqayıt şəhər sakini olduğu bildirilir.