Təyyarədə unudulan pişik 24 saat ərzində 3 səfər etdi

Yeni Zelandiyada təyyarədə unudulan pişik 24 saat ərzində iki ölkə arasında 3 səfər edib.

Avtosfer.az xarici mətbuata istinadən xəbər verir ki, Yeni Zelandiyanın Kraystçörç şəhərindən Avstraliyanın Melburn şəhərinə köçən ailə 8 yaşlı Mittens adlı pişiyi ilə birlikdə təyyarəyə minib.

Mittensin sahibi Marqo Neas verdiyi açıqlamada Avstraliyaya çatanda 3 saat gözlədiklərini, lakin yük bölməsindəki pişiyin çatdırılmadığını bildirib. Neas, Mittensin yük anbarındakı əşyalara görə diqqətdən kənarda qaldığını və təyyarənin Yeni Zelandiyaya qayıtdığını öyrəndiyini deyib.

Bundan sonra təyyarədəki səlahiyyətlilər səhvən “tez-tez uçan sərnişinlərdən biri” olan pişiyi Melburna gedən bir reysə apararaq ailəsinə çatdırmaq üçün hərəkətə keçib. Belə ki, 24 saat ərzində Yeni Zelandiya ilə Avstraliya arasında üç dəfə uçan Mittens sahiblərinə çatdırılıb.

“The Air New Zealand” aviaşirkətinin sözçüsü Alişa Armstronq baş vermiş hadisəyə görə Mittensin sahiblərindən üzr istəyib.