THY Ərdoğanın ABŞ səfərindən sonra yeni təyyarə alacaq

Türk Hava Yolları öz donanmasını 225 yeni Boeing təyyarəsi ilə genişləndirməyi planlaşdırır. Bu, Türkiyə lideri Rəcəb Tayyib Ərdoğanın ABŞ-yə səfəri fonunda baş tutub. 

Avtosfer.az xəbər verir ki,  bu  barədə "The Independent" nəşri məlumat dərc edib. 

Bildirilir ki, Türkiyə ABŞ-dən 75 Boeing B787-9 və B787-10 təyyarələrini almağı planlaşdırır. Bundan əlavə, 150 ədəd 737-8/10MAX təyyarəsinin alınması üçün Boeing ilə danışıqlar başa çatıb. Çatdırılmalar 2029-2034-cü illər üçün nəzərdə tutulub.

Türk Hava Yollarının bəyanatında deyilir ki, B787-9 və B787-10 beynəlxalq səyahətlər üçün nəzərdə tutulmuş qabaqcıl, yanacaq qənaət edən uzun məsafəli təyyarələrdir.