Türkiyənin 18 kruiz limanı cari dövrdə 1,5 milyon sərnişin qəbul edib

Bu ilin avqust ayının sonunadək Türkiyənin 18 kruiz limanı ümumilikdə 1,5 milyon sərnişin qəbul edib. Avtosfer.az xəbər verir ki, bu barədə Türkiyənin Turizmin İnkişaf etdirilməsi Agentliyi məlumat yayıb. Belə ki, bu göstərici son 12 ilin ən yüksək nəticəsidir. 2025-ci ilin ilk səkkiz ayının yekunlarına görə, kruiz gəmilərinin sayı ötən illə müqayisədə 17 faiz artaraq 878-ə (2024-cü ildə 753) çatıb. Sərnişin sayı 2023-cü illə müqayisədə 56 faiz, 2024-cü illə müqayisədə isə 18 faiz artım nümayiş etdirib. Yalnız avqust ayında 357 min 646 sərnişin qəbul olunub ki, bu da bütün dövrlərin ən yüksək aylıq göstəricisi kimi qeydə alınıb.