Türkiyənin pilotsuz sualtı qayığının ilk missiyası açıqlandı

Türkiyənin Müdafiə Texnologiyaları Mühəndislik və Ticarət (STM) şirkəti tərəfindən hazırlanan pilotsuz sualtı aparatının ilk missiyası minaların aşkarlanması və məhv edilməsi olacaq.

Trend xəbər verir ki, bu barədə TurkicWorld-ə Türkiyə hərbi mənbələrindən bildirilib.

"Birinci mərhələdə əsas məqsəd minaların aşkarlanması və məhv edilməsi üçün istifadə edilə bilən pilotsuz avtonom sualtı qayıq hazırlamaqdır. Prototipin ən geci 2024-cü ilin əvvəlində hazır olması gözlənilir", - deyə məlumatda qeyd edilib.

Məlumata əsasən, STM500 layihəsi "milli sualtı qayıq" mövzusunda Türkiyədə ilk addımdır.

Bundan əlavə, STM500-ün yaxın gələcəkdə təqdimatı keçiriləcək.