Üç gündə Rusiyanın 157,5 milyon dollarlıq hava hədəfləri məhv edilib

Üç gün ərzində Ukrayna hərbçiləri Rusiya ordusunun 157,5 milyon dollar dəyərində hava hədəflərini məhv edib.

Avtosfer.az xəbər verir ki, bu barədə Ukrayna ordusunun Hərbi Hava Qüvvələrindən bildirilib.

Qeyd olunub ki, söhbət yalnız hava hücumu vasitələrindən - Ukrayna ordusunun Hərbi Hava Qüvvələrinin zenit-raket bölmələri tərəfindən 5-7 sentyabr tarixlərində məhv edilən qanadlı raketlər, təyyarələr və helikopterlərdən gedir.

Qeyd olunur ki, Rusiyanın istifadə etdiyi ən bahalı və texnoloji cəhətdən inkişaf etmiş raketlərdən biri X-101 qanadlı raketidir.

"Düşmən sentyabrın 5-də Ukraynaya 6 ədəd X-101-i atəşə tutub. Onlardan 5-i Hərbi Hava Qüvvələrinin hava hücumundan müdafiə sistemləri tərəfindən vurulub. X-101 raketinin bir ədədinin təxmini dəyəri 13 milyon dollardır. Məhv edilən X-101-lərin ümumi dəyəri 78 milyon dollardır", - deyə Ukrayna Hərbi Hava Qüvvələrindən bildiriblər.

Bundan əlavə, dəyəri 600 min dollar olan iki ədəd X-59 idarə olunan raket, iki Ka-52 hücum helikopteri (32,4 milyon dollar), Mi-24 hücum helikopteri (12,5 milyon dollar) və 3 "Su" hücum təyyarəsini (33 milyon dollar) məhv edilib.

Bundan əlavə, Ukrayna hərbçiləri Rusiyaya məxsus ümumilikdə 1 milyon dollar dəyərində olan 10 ədəd "Orlan-10" tipli əməliyyat-taktiki səviyyəli pilotsuz təyyarələri vurub.

"Beləliklə, ilkin hesablamalara görə, müharibənin üç günü ərzində yalnız səmada Rusiya ordusunun itkiləri 157 milyon 500 min dollar təşkil edib", - deyə məlumatda deyilir.