Ümummilli tətillər başladı - Nəqliyyat sektoru iflic ola bilər

Portuqaliyanın həmkarlar ittifaqı konfederasiyalarının təşəbbüsü ilə Qərbi Avropa ölkəsində ümummilli tətil başlayıb. Kütləvi etiraz aksiyasının hava və dəmir yolu ilə sərnişin və yük daşımalarında ciddi pozuntulara yol açacağı, hökumətin bir sıra xidmət sahələrinin müəvvəqəti olaraq fəaliyyəti dayandıracağı gözlənilir. Avtosfer.az bu barədə xarici KİV-ə istinadən xəbər verir.

Aksiyanın Portuqaliyanın son 10 il ərzində ən böyük tətili olduğu iddia olunur. Dövlət sektoru işçiləri başlıca olaraq sağ-mərkəzçi hökumətin məşğulluqla bağlı qanunvericiliyə dəyişik planlarına etiraz edir. Dəyişikliklə bağlı təkliflərdə işəgötürənlərin işçiləri işdən azad etməsini asanlaşdıran, dövlət sektorunda işçilərin tətil etmək hüququnu məhdudlaşdıran, körpəli anaların südvermə fasilələlərini azaldan müddəalar nəzərdə tutulur. Portuqaliya Avropa İttifaqının ən kiçik iqtisadiyyatlarından birinə malikdir və burada işçilər 27 üzv ölkə arasında ən az əməkhaqqı alanlar sırasındadır. Portuqaliyanın Milli Statistika İnstitutunun məlumatına görə, orta aylıq əməkhaqqı ( vergi çıxılmadan) təxminən 1 600 avro təşkil edir.