Üstü açıq qalan "lyuk" vətəndaşlar üçün təhlükə mənbəyidir - FOTO

Paytaxtda səkidəki “lyuk” piyadalar üçün təhlükə yaradır.
Avtosfer.az xəbər verir ki, problem İnşaatçılar prospekti ilə Bəsti Bağırova küçələrinin kəsişməsində yaranıb. 
Belə ki, səkidə kanalizasiya “lyukunun” qapağı qırılıb. Piyadalar xüsusən də günün qaranlıq saatlarında burdan keçərkən “lyuka” düşə bilər. Sakinlər bundan narazıdır. Vətəndaşlar bildirir ki, dəfələrlə bu yerdə yıxılan, hətta ayağı sınan şəxslər olub.
Ümid edirik ki, problem yaxın zamanda həll ediləcək. Tezliklə piyadaların təhlükəsiz hərəkəti təmin olunacaq.

Məhəbbət Tərlanoğlu