Xırdalan bazarında satıcını bıçaqladılar

Xırdalan şəhərinin Qalubiyyə küçəsində qətl hadisəsi baş verib.

"Qafqazinfo"nun hadisə yerində olan əməkdaşının verdiyi məlumata görə, hadisə Xırdalan bazarı ərazisində baş verib. Öldürülən şəxsin üzərindən heç bir sənəd çıxmasa da, tanıyanlar onun Sərdar adlı şəxs olduğunu bildiriblər. Həmin şəxsin bazarda satıcı işlədiyi məlum olub.

Hazırda hadisə yerinə hüquq-mühafizə orqanlarının əməkdaşları cəlb olunub.

Faktla bağlı araşdırma aparılır.