Yaşayış binasının dam örtüyünü külək uçurdu

Güclü külək Zaqatalada  fəsadlar törədib.

Avtosfer.az xəbər verir ki, şimal-qərb bölgəsində güclü küləkli hava şəraiti müşahidə olunur.

Külək gecə saatlarından başlayaraq Zaqatala rayonunda daha çox müşahidə olunub.

Nəticədə şəhərin Vasif Qurbanov küçəsində beşmərtəbəli yaşayış binasının dam örtüyünü uçurub və bir sıra ərazilərdə elektrik naqillərinin qırılması baş verib.

Güclü külək səbəbindən rayonun, Yuxarı Tala, Aşağı Tala, Göyəm və bir neçə yaşayış məntəqələrinə elektrik enerjisinin verilməsində fasilə yaranıb. Səhər saatlarında aidiyyəti qurumlar fəsadları aradan qaldırmaq üçün ərazidə işlər aparır.