"Yol hərəkəti ilə bağlı xüsusi bir fənnə ehtiyac yoxdur" - Təhsil naziri

“Problem qaydanın olmamasında deyil, cəmiyyətin ona münasibətindədir”. Avtosfer.az xəbər verir ki, bu sözləri elm və təhsil naziri Emin Əmrullayev bu gün yeni tədris ilinə dair keçirilən brifinqdə deyib. Nazir qeyd edib ki, qaydalar sadə məsələdir: "Yolun bu tərəfindən o tərəfinə keçirsən, adama başa salırsan ki, ancaq zolağın üstündən keç, zolaq olmasa keçmə. Bunun üçün böyük bir işə ehtiyac yoxdur. Bizim problemimiz o deyil. Qaydamız var, polis də buna nəzarət edir, hamı hər şeyi edir. Dövlət öz boynuna düşəni edir, bizim anamız, sadəcə olaraq, qaydaya məhəl qoymur, onun üçün vacib deyil.

O deyir ki, mən belə gedəndə axı tez gedirəm. Bu, davranış və dəyər məsələsidir mənə görə".