Aviabilet satışı ilə bağlı ən əhatəli və müasir məlumat bazasına malik ForwardKeys xidməti beynəlxalq turistlərin pandemiyadan əvvəlki səviyyəsini aşan iki ən böyük istiqamətin adını açıqlayıb. Bunlar müvafiq olaraq plus 9 və plus 2 faiz nəticə ilə Türkiyə və Yunanıstandır.

Albaniyaya aviadaşımalar  28% artdı, baxmayaraq ki, mütləq şəkildə bu, Avropa turist axınının 1% -dən azdır. Digər əsas istiqamətlərin heç biri 2019-cu il səviyyəsinə qayıtmadı. Sloveniya cəmi 7%, İslandiya 8%, Portuqaliya isə 10% itirdi.

Şəhər istiqamətlərindən İstanbul yaxşı nəticə göstərərək, xarici turistlərin sayı 2% artıb. Ondan sonra 7% azalma ilə Afina, 8% Reykyavik və Porto və 13% Malaga şəhərləri gəlir.

Türkiyənin güclü performansının arxasında duran əsas amillər türk lirəsinin dəyərində davam edən eniş və Avropanın əksər hissəsinə birbaşa uçuşların qadağan olunduğu kurortların Rusiya bazarına açıq olmasıdır. 2019-cu ilin yayında Şengen ölkələrinə gələnlərin 4%-ni ruslar təşkil edirdisə, 2022-ci ildə bu rəqəm kəskin şəkildə azalıb.